araw ng mga tatay

sabi nila

si bunso'y matalino.

pag-aaral pinagbuti,

pagsamba'y nasa puso.

sabi nila

si bunso'y mabait.

si tatay laging nasa alaala

si nanay kanyang inalagaan.

sabi nila

si bunso'y maasahan.

mga kapatid iginalang,

sa halakhak at luha kanyang dinamayan.

sabi nila

si bunso'y kinagigiliwan.

mga pamangkin kanyang kinalinga

gayundin mga batang sa paaralan sya ang hanap.

salamat sa iyo,

si bunso'y masaya.

sa piling mo

pangarap nyang buhay, kanyang sinuimulan.

lahat ng aral at leksyon

lahat ng tuwa at luha

kanyang isina-isip, isina-puso

upang sa yo lamang buong-buo inialay.

subalit buhay ay sadyang mapagbiro

ang laging tanong "bakit Diyos ko?"

masakit, makirot

walang kasing hapdi!

salamat sa yo,

patak ng luha ni bunso

mayroong madadapuan,

mayroong halaga.

salamat sa yo,

kanyang mga tanong

may mga kasagutan

sadyang ikaw lamang ang magbibigay linaw.

datapwa't ika'y mayroon ding luha,

mayroon ding tanong,

mayroon ding hapdi...

salamat sa yo,

ang iyong pagsamba at pagsusumamo

sadyang sapat na muna

sa kasalukuyan.

ang tamang panahon,

ang tamang sagot,

ikaw at si bunso lamang

ang syang tanging may karapatan.

ngayong araw ng mga tatay
para sayo, inigo
iyong pananalig, iyong pagsamba
para kay camille, ika'y dakila!